.png)
Gazeta Si – Holanda hasi jo pak vështirësi në ndeshjen e parë të Botërorit të Katarit. ‘Tulipanët’ mundën 0-2 Senegalin dhe ia dolën të marrin kreun e Grupit A, por nuk është se shfaqën ndonjë potencial të madh në këtë sfidë.
Kishin mbetur edhe 6 minuta nga koha e rregullt, kur Kodi Gakpo i PSV-së arriti ta dërgonte topin në rrjetë, duke zhbllokuar shifrat e mbërthyera në 0-0. Sulmuesi 23-vjeçar devijoi saktë me kokë një top të marrë nga De Jong, duke shfrytëzuar edhe gabimin e portierit të Senegalit, Mendi.
Më parë të dyja skuadrat kishin raste për golin e avantazhit, por pa mundur ta bënin një gjë të tillë. Në fundin e tetë minutave shtesë, Deni Klasen realizoi edhe golin e dytë për Holandën, duke çliruar plotësisht skuadrën e tij.
Holanda dhe Ekuadori kryesojnë Grupin A me nga 3 pikë dhe me golaverazh të njëjtë, 2-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
