.png)
Gazeta Si – Paraqitje për t’u harruar nga organizatorët e Botërorit në ndeshjen hapëse të tij. Katari është mundur 0-2 nga Ekuadori, që ka marrë fitoren e parë të turneut falë dopietës së sulmuesit të Fenerbahçes, Ener Valencia.
Katari ishte larg debutimit të ëndërruar dhe ka hyrë në historinë e Botërorëve me këtë paraqitje kaq negative, duke u bërë skuadra e parë vendëse që e nis me humbje.
Ka përfituar Ekuadori, që ka fituar pastër 2-0 dhe tashmë sfidon Senegalin dhe Holandën për kreun e Grupit A. Protagonist i fitores ishte kapiteni Valencia, që konfirmoi formën e mirë që po kalonte te Fenerbahçe.
Ai shënoi dy herë që në pjesën e parë, fillimisht me penallti dhe pastaj me kokë. Më parë Ekuadorit iu anulua një gol për pozicion jashtë loje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
