.png)
Gazeta Si – Kombëtarja që në Katar nuk është mund të fitonte Botërorin në Katar. Formacioni i të munguarve është vërtet i frikshëm, me emra të mëdhenj.
Për të evituar golat do të mendonte në këtë rast Xhanluixhi Donaruma, kurse për t’i shënuar golat dyshja Haland-Osimhen. Formacioni me 11 lojtarët që nuk mundën të kualifikohen për në Botërorin e Katarit do t’u fuste frikën Francës, Brazilit Argjentinës e me radhë.
Xhixho Donaruma është portieri ekselent që mungon në këtë turne. Kuadrado, sot 34 vjeç, nuk mund të jetojë me iluzione, edhe nëse Kolumbia e tij merr pjesë në Botërorin e 2026-ës.
Asnjë shans edhe për interistin Milan Shkriniar. Sllovakia, duke hequr atë dhe Lobotkën, nuk e ka talentin për arritje kaq të mëdha. Mbrojtja kompletohet me austriakun Alaba dhe skocezin Robertson, të cilët në Madrid dhe Liverpul argëtohen shumë mes kampionatit dhe Championsit.
Në rreshtimin 4-4-2 të mungesave, në qendër të mesfushës do të ishin dy italianët Barela dhe Verrati, kurse në krahë Salah dhe Kvaratshkelia.
Në familjen Haland deri tani është babai Alf-Inge që krenohet se ka marrë pjesë në një Botëror, në USA ’94. Erling, më shumë se të shënonte 5 gola në 6 ndeshjet kualifikuese, nuk mund të bënte. Një më shumë se Osimhen, që ka ende pengun e ndeshjes shtesë me Ganën. Nigeria e tij mungon në Botëror pas 3 edicioneve radhazi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
