Gazeta Si – Kuqezinjtë nisën sot përgatitjet për Armeninë, një tjetër miqësore në shtëpi pas asaj me Italinë, ku humbën 1-3. Për këtë ndeshje, Kombëtarja jonë do të ketë një sulm të ri, sepse Broja dhe Uzuni nuk janë të gatshëm.
Broja u dëtmua ndaj Italisë dhe sot është kthyer në Londër për të ndjekur fazën e rikuperimit te Çelsi. Edhe Uzuni ka lënë grumbullimin, sepse klubi i tij, Granada, e lejoi të vinte te Shqipëria vetëm për ndeshjen me Italinë.
E njëjta gjë ka ndodhur edhe me Odise Roshin, pasi edhe ai do të luajë në fundjavë me klubin e tij. Në këto kushte, zgjedhjet e Rejës për sulmin kufizohen ndjeshëm. Skuka dhe Muçi pritet të kenë hapësirë në ndeshjen e së shtunës me Armeninë.
Lajme të mirë vijnë për Ismajlin, dëmtimi i të cilit nuk ka rezultuar serioz. Kuqezinjtë kanë edhe një seancë stërvitore të premten për ta përgatitur ndeshjen e fundit miqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
