Gazeta Si – Andrea Ndoj është një kapitull i ri në serinë e atyre lojtarëve, që mes Shqipërisë dhe Greqisë, zgjedhin të përfaqësojnë vendin fqinj. Kështu kanë bërë Sotir Nini, Fiorin Durmishaj e ndonjë tjetër.
Është çështje zgjedhje dhe çdokush ka të drejtën e vet. Vendimet merren për arsye sportive, por edhe sociale. Problem është kur në fillim dikush vendos për të përfaqësuar vendin e origjinës, Shqipërinë, e më pas ndërron mendje dhe hidhet te Greqia. Kështu ka ndodhur edhe me Ndojn.
Mbrojtësi 19-vjeçar me origjinë shqiptare, i lindur në Athinë, ka vendosur të luajë për Greqinë, duke hequr dorë nga fanella kuqezi. Lojtari aktivizohet me Olimpiakosin, është rritur te moshat e klubit të madh grek dhe tani synon të luajë me kombëtaren helene.
Për gjithë tifozët shqiptarë ky veprim nuk është aspak i këndshëm. Ata do ta donin një futbollist si Ndoj me fanellën kuqezi, por ai e ka injoruar në një farë mënyre Shqipërinë dhe tani e tutje do të jetë një personazh i urryer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
