.png)
Nga Gazeta Si- Kreu i Sindikatës së Pedagogëve Sandër Kovaçi ka paralajmëruar se protestat dhe bojkoti i pjesshëm do vijojnë dhe mund të shkohet dhe në bojkot të sezonit të provimeve nëse deri në muajin shkurt nuk ka reagim nga qeveria për plotësimin e kërkesave të tyre.
“Ka pasur presione të jashtëzakonshme ndaj Sindikatava dhe ndaj vendosëm vijimin e mësimit paralelisht me protestat që nuk do ndalen”, tha Kovaçi.
Ai tha se do të ketë paralelisht mësim dhe protesta.
Protesta e radhës do të jetë ditën e nesërme (8 nëntor) para Politeknikut.
Kovaçi tha se ndërkohë që pritej një përgjigje nga qeveria, “për habinë e gjithkujt qeveria heshti e bëri ca zgjidhje kozmetike, të pasigurta dhe ky qëndrim provokoi protesta e bojkot si dhe paralajmërim për grevë urie”.
Ndodhur përballë kësaj situate, Kovaçi tha se sindikata e interesuar për normalizimin e jetës akademike vendos vazhdimin e protestave në të gjitha format deri në zgjidhjen e kërkesave por duke pezulluar përkohësisht bojkotin e procesit mësimor.
Kovaçi tha se bojkoti i sezonit të provimeve është një variant i mundshëm që është propozuar nga profesorët nëse deri në shkurt qeveria nuk ka realizuar kërkesat e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
