Gazeta Si – Kombëtarja, e mbërthyer nga zhgënjimi i humbjes me Izraelin, të dielën nisi në Durrës përgatitjet për sfidën e radhës me Islandën. Para kësaj ndeshjeje janë dy lojtarët që shqetësojnë stafin teknik të kuqezinjve.
Myrto Uzuni, autori i golit të vetëm në Izrael, vazhdon të ndjejë shqetësim. Ai luajti në fundin e ndeshjes në Izrael, pa e marrë veten plotësisht nga dëmtimi. Gjendja e tij po monitorohet nga stafi mjekësor, por gjasat janë që beratasi ta nisë sërish nga stoli.
Lojtari tjetër me probleme fizike është mbrojtësi Arlind Ajeti. Ai u aktivizua titullar në Tel Aviv dhe bëri një paraqitje të mirë, por u zëvendësua për shkak dëmtimi. Trajneri Reja do të presë deri në momentet e fundit për të dy këta lojtarë.
Ndeshja me Islandën, e fundit në grup në Ligën e Kombeve, do të luhet të martën, në orën 20:45, në stadiumin “Air Albania”. Pas tri ndeshjesh, kuqezinjtë mbajnë vendin e fundit me 2 humbje dhe 1 barazim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
