Gazeta Si – Kombëtarja udhëtoi sot drejt Izraelit, ku nesër luan ndeshjen e radhës me ekipin vendës në kuadër të Ligës së Kombeve. Ekipi mbërriti pasdite në Tel Aviv dhe rreth orës 18:00 zhvilloi seancën e fundit stërvitore në stadiumin “Bloomfield”.
Për më shumë se një orë trajneri Reja dhe stafi i tij kanë dhënë udhëzimet e fundit para sfidës vendimtare me Izraelin. Sulmuesi Myrto Uzuni u stërvit i diferencuar, pasi ka një shqetësim muskulor.
Trajneri Reja provoi disa skema taktike, që mund të përdoren në ndeshjen e nesërme, e treta në grup në Ligën e Kombeve. Pas dy ndeshjeve të para, kuqezinjtë kanë vetëm 1 pikë. Ndeshja me Izraelin fillon në orën 20:45.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
