.png)
Gazeta Si – Luiza Gega zbret sot në mbrëmje sërish në pistë. Nuk është një garë e zakonshme, por një finalja e Europianit, nga e cila mund të vijë medalja e radhës për Shqipërinë.
Atletja shqiptare tregoi një formë shumë të mirë në garën kualifikuese të pak ditëve më parë. Gjasat janë të mëdha që ajo të ngjitet në pod në finalen e sotme (ora 22:13), pse jo dhe në shkallën më të lartë të tij.
Luiza Gega merr pjesë në garën e 3000 metrave me pengesa, një specialitet i saj. Europiani i atletikës po zhvillohet në Gjermani, në Mynih.
Synimi minimal i atletes kuqezi është që të mos dalë pa medalje nga finalja, ndërsa e arta do të ishte si ‘qershia mbi tortë’. Gega ka arritur së fundi rezultate shumë të mira. Në Botëror zuri vendin e 5-të, duke thyer edhe rekordin kombëtar.
Sot në mbrëmje të gjithë do të bëjnë tifo për të, duke shpresuar ta shohin me medaljen e artë në qafë. Forca Luiza!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
