Nga Gazeta Si - Kanë kaluar 40 vjet nga filmi “An officer and a gentleman” dhe 32 nga ”Pretty Woman”, por për Richard Gere, 73 vjeç, koha duket se ka ndalur.
Këmishë bojë qielli, pantallona të errëta dhe flokë të bardhë të prerë shkurt, aktori amerikan, mik i Dalai Lamës dhe një budist i bindur, i ftuar nderi i Festivalit të Filmit “Magna Grecia”, duket vërtet si një djalë.
Dhe ai e nis kështu takimin për shtyp që filloi me më shumë se një orë vonesë: “T’ju shoh të gjithëve duke buzëqeshur, edhe mua më gëzon”.
”Një rixhirim i ‘Pretty Woman’? Kanë kaluar shumë vite që nga viti 1990 kur filmi u shfaq për herë të parë, por pavarësisht se më shumë se një herë i njëjti regjisor, Garry Marshall më ka propozuar një ribërje të mundshme duke imagjinuar zhvillime të çuditshme, në fund nuk është bërë asgjë”, thotë Gere.
“Në fillim askush nuk e priste një sukses të tillë, një film i aftë për të krijuar një formë të tillë identifikimi. ‘Pretty Woman’ ishte një magji, një formë e të dashuruarit. Nuk e di pse bie në dashuri me dikë, por ndodh”, thekson thinjoshi.
Çfarë mendoni për Ukrainën? “Në terma absolutë unë jam një pacifist dhe një person jo i dhunshëm, por në botën relative ku jetojmë është ende e nevojshme të mbrohemi dhe të ndihmojmë ata që janë në vështirësi, siç është rasti në Ukrainë. Nga ana tjetër, qenia njerëzore është jofunksionale dhe të vetmet organizata që po përpiqen të zbatojnë sundimin e ligjit aktualisht janë NATO dhe Bashkimi Evropian”.
Po Kina? “Është e qartë se ajo po ndjek një plan afatgjatë pushteti, mund ta shihni nga mënyra se si ajo është sjellë me Tibetin dhe Mongolinë. Megjithatë, unanimiteti me të cilin u ndihmua Ukraina premton një sjellje më të përgjegjshme në të ardhmen nga të gjithë. Në këtë kuptim, Putini, – thotë Gere, – ishte i mahnitur sepse nuk priste një përgjigje kaq homogjene kundër pushtimit të tij”.
Keni menduar ndonjëherë të bëheni regjisor? “Ndërkohë duhet thënë – shpjegon aktori – se filmi është një vepër kolektive, dua të them që regjisori nuk është aq i paprekshëm sa besohet. Tani, përveç disa filmave që nuk doja t’i bëja, shkoi mirë. Dhe më pas, – përfundon ai, – kam katër fëmijë dhe gjithmonë kam menduar se duhet të kujdesem për ta dhe të mos zhdukem për një vit e gjysmë siç ndodh me një regjisor”.
Çfarë mendoni për ekranin e vogël? “Në këtë kuptim unë jam një dinosaur dhe jam gjithashtu i lumtur që jam i tillë. Nga ana tjetër, as që mbaj mend kur kam qenë për herë të fundit në kinema. Dhe kjo për shkak të Covid-it, por jo vetëm. Sigurisht, serialet televizive ndihmojnë kinemanë e pavarur dhe kjo është një gjë e mirë, por ajo që mungon dhe e disponon vetëm salla e kinemasw wshtw ndjenja e komunitetit”.
Budizmi në jetën e Gerit? “Sa jemi sot në botë? Tetë miliardë njerëz. Epo, unë mendoj se duhet të ketë tetë miliardë fe. Dua të them që nuk pres që dikush të konvertohet në budizëm, por përkundrazi që të gjithë të bëhen të lumtur përmes rrugës së tyre. Ekziston një lutje që ia përsëris shpesh vetes: ajo e krijimit të një lidhjeje midis feve të ndryshme, sepse kjo ndjenjë e përkatësisë është në fund të fundit gjëja më e rëndësishme”.
Marrë nga Ansa.it, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
