.png)
Pas pesë vitesh, në foton familjare presidenciale rikthehet figura e Zonjës së Parë, që mungoi gjatë presidencës ‘Meta’.
Armanda Begaj, bashkëshortja e Presidentit Bajram Begaj do të jetë Zonja e Parë e vendit,ndërsa familja Presidenciale ka edhe 2 djemtë e çiftit.
Ata kanë qenë në lozhat e Kuvendit dhe kanë ndjekur ceremoninë e marrjes së detyrës nga Bajram Begaj të organizuar nga Presidenca.
Me Zonjën e Parë, Armandën prej dore dhe dy fëmijët në krah, Bajram Begaj ngjiti shkallët e Presidencës.
Armanda Begaj ka lindur në vitin 1968 dhe ka ushtruar disa funksione në administratën shtetërore si punonjëse, ku ndër të fundit ishte edhe specialiste IT pranë Kontrollit të Lartë të Shtetit.
Pesë vite më parë, kur Ilir Meta u betua si president, Monika Kryemadhi refuzoi titullin honorifik si “Zonjë e Parë” e vendit, pasi mori kryesimin e LSI-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje