.png)
Gazeta Si – Luiza Gega do të zbresë sot sërish në pistë. Këtë herë në Botërorin e Atletikës, që po zhvillohet në Oregon të Shteteve të Bashkuara ta Amerikës.
Atletja shqiptare do të garojë sot në kualifikueset e 3000 metrave me pengesa, që është edhe specialiteti i saj. Forma sportive e Luiza Gegës është shumë e mirë. Ajo vjen pas rekordit kombëtar dhe medaljes së artë në Lojërat Mesdhetare të disa ditëve më parë.
Do të jetë e vështirë për Gegën, pasi është një kampionat botëror, ku marrin pjesë sportistet më të mira të planetit. Megjithatë, atletja jonë është optimiste.
Gara zhvillohet në mbrëmje, në orën 17:35. Gega shpreson shumë që të kalojë në finalet e Botërorit, ashtu siç ka bërë më parë në 2019-ën në Doha të Katarit, ku zuri vendin e 9-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
