.png)
Shqiptarët përbëjnë numrin më të madh të të huajve në Britaninë e Madhe, që konsiderohen nën regjimin e skllavërisë moderne.
Sipas autoriteteve britanike në total janë 13 mijë raste kur emigrantët e huaj kanë kundërshtuar deportimin pasi janë kapur ilegalisht në vend, duke cituar aktin e skllavërisë moderne, një parashikim ligjor i 2015-s në Britaninë e Madhe që ndalon deportimin e këtyre rasteve.
DailyMail shkruan se shqiptarët përbëjnë shumicën e të huajve, por pa dhënë një shifër të saktë se sa.
Më pas, në artikull citohen dy raste kur persona me kombësi shqiptare kanë apikuar aktin e skllavërisë moderne.
Rasti i parë është ai i Armelind Rexhës, që për të bllokuar deportimin citoi në 2019 para gjykatës aktin e skllavërisë moderne, edhe pse akuzohej për kultivim kanabisi në shtëpi bari me vlerë rreth 800 mijë euro. Në gjykatë ai pretendoi se ishte detyruar që të punonte në shtëpinë e barit dhe gjykata ja pranoi këtë pretendim.
Vitin e kaluar, thotë DailyMail, një shqiptar që vrau një nënë në sy të vajzës së vet 8-vjeçare pretendoi se ishte viktimë e trafikantëve të qënieve njerëzore për të shmangur deportimin. /DailyMail
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
