Gazeta Si – Një ditë pas ndeshjes në Islandë, Kombëtarja është kthyer në Shqipëri. Menjëherë kuqezinjtë kanë nisur përgatitjet për ndeshjen me Izraelin, që luhet më 10 qershor në “Air Albania”.
Kombëtarja mbërriti në aeroport rreth orës 16:00. Më pas u nis drejt Durrësit, ku në orën 19:00 zhvilloi seancën e parë anti-Izrael. Lajmi i mirë për kuqezinjtë është se me grupin është bashkuar edhe sulmuesi Armando Broja.
Ai mungoi në Islandë, pasi kaloi Covid-in. Do të jetë stafi teknik, që do të vendosë për aktivizimin e Brojës, duke parë gjendjen e tij fizike këto ditë.
U stërvit sot edhe sulmuesi tjetër, Myrto Uzuni. Beratasi mungoi në ndeshjen e së hënës për shkak dëmtimi dhe është stërvitur individualisht. Shpresohet që Uzuni të rikuperohet në kohë për Izraelin.
Për momentin trajnerin Reja e shqetëson Odise Roshi, i cili po kalon një gjendje gripale dhe nuk është stërvitur. Më 10 qershor kuqezinjtë do të kërkojnë fitoren e parë në grup, pas barazimit në Islandë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
