Ministri i Jashtëm i Greqisë, Nikos Kotzias ka dhënë dorëheqjen.
Dorëheqja ka ardhur si rezultat i një konflikti të brendshëm, që nuk është i ri, por është akulmuar pas vizitës së fundit në SHBA të ministrit të Mbrojtjes, Panos Kamenos, njëkohësisht kreu i partisë aleate në qeveri.
Sipas mediave greke Kotzias ka kundërshtuar faktin se kryeministri Aleksis Tsipras nuk e ka mbështetur atë në debatin me Kammenos, i cili është i ri në koalicion.
Gjithashtu mësohet, se Kammenos e ka akuzuar Kotziasin se ka marrë fonde sekrete nga miliardieri Xhorxh Soros. Kotzias ka thënë se ndihet i ofenduar nga këto akuza.
Debati i djeshëm ndodhi gjatë mbledhjes së këshillit ministror të Greqisë, pasi Kotzias deklaroi se Kamenos ‘fut hundët në politikën e jashtme’. Ndërkohë, ministri Kamenos ishte shprehur se marrëveshja e Prespës, duhej pas zgjedhjeve. Pas debateve të krijuara në sallë, reagoi edhe zëdhënësi i qeverisë greke përmes një deklaratë publike.
Ndërkohë Tsipras ka pranuar dorëheqjen e ministrit Kotzias dhe ka marrë vetë portofolin e Ministrit të Jashtëm të Greqisë.
Dorëheqja e tij do të shkaktojë problem jo vetëm në skenën e brendshme politike, por do të dëmtojë qeverinë e Zoran Zaevit, marrëdhëniet greko-turke, negociatat me Shqipërinë, çështjen qipriote, marrëdhëniet greko-amerikane.
Dorëheqja e e Kotzias do të përdoret nga opozita e VMRO-DPMNE për të ndaluar procesin e ndryshimit të Kushtetutës dhe do të bindë deputetët në Shkup se Greqia ka ndryshuar qëndrimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
