.png)
Doza e katërt të Covid-19 u japin njerëzve mbrojtje e nevojshme për të përballuar një tjetër infeksion Covid-19.
Një ekip akademikësh të udhëhequr nga Universiteti i Southampton kanë gjurmuar një grup njerëzish dhe nivelet e tyre të antitrupave dhe qelizave T. Të dyja testet tregojnë nivelin e mbrojtjes së një personi kundër një virusi.
Prova e CovBoost shqyrtoi gjithashtu efektet anësore pas një doze të katërt.
Rreth 166 persona morën pjesë në studim. Shkencëtarët ekzaminuan përqendrimin e antitrupave në gjak.
Ata u ekzaminuan në dy kohë të ndryshme, 28 ditë pas dhënies së dozës së tretë dhe më pas, 14 ditë pasi ata kishin marrë dozën e katërt.
Nivelet e antitrupave u zvogëluan në periudhën midis dozës së tretë dhe të katërt. Por dy javë pas injektimit përforcues, nivelet e antitrupave u rritën.
Studiuesit ekzaminuan të dhënat për njerëzit që kishin dy doza të injektimit AstraZeneca, të ndjekur nga dy doza Pfizer ose Moderna. Nuk u regjistruan asnjë efekt anësor të rëndë midis pjesëmarrësve.
Udhëheqësi i provës, Saul Faust, drejtor i Institucionit të Kërkimeve Klinike,Britani tha se rezultatet tregojnë përfitimet e dozës së katërt.
“Kjo është dëshmi e mëtejshme që nënvizon rëndësinë e dozës së katërt të njerëzve”, ka thënë Sajid Javid, Sekretari i Shëndetësisë dhe Kujdesit Social në Britani.
Studimi i ri mbështet fushatën e dozave përforcuese.
Ndërkaq, një tjetër studim botuar në revistën “Nature Communications”, tregoi se përforcuesit janë të sigurta edhe për gratë shtatzëna.
Studimi, u krye nga ekspertë në Universitetin e St George të Londrës dhe Kolegjin Mbretëror të Obstetërve dhe Gjinekologëve në Britani. Ata analizuan 23 studime që përmbanin informacion mbi më shumë se 117,000 gra shtatzëna.
Ekipi zbuloi se vaksinat ishin të sigurta dhe rezultuan në një ulje prej 15% të vdekjeve gjatë lindjes.
Burimi:The Independent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje