.png)
Një statujë e re braziliane më e lartë se ajo e Rios është ndërtuar në qytetin Encantado.
Statuja e quajtur ‘Krishti mbrojtës’ është 43 metra e lartë, krahasuar me statujën e Rios, e cila është 38 metra. E ndërtuar me beton mbi një strukturë metalike, ajo tashmë është ngritur në një kodër mbi qytet.
“Megjithatë, vendi do të hapet për publikun vetëm vitin e ardhshëm”, tha Robison Gonzatti, nënkryetar i shoqatës që sponsorizoi statujën.
“Është Krishti më i madh në botë”, tha ai për Reuters.
Statuja ka një pikë vëzhgimi për vizitorët që mund të shikojnë nga një dritare e madhe në formë zemre.
Pamja do të duhet të konkurrojë me pamjen spektakolare që turistët shohin nga statuja që qëndron në majë të malit Corcovado të Rios.
Statuja e Rios u përfundua pas 9 vitesh në 1931, duke u bërë një ikonë e Rio de Zhaneiros dhe një nga mrekullitë moderne të botës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
