Gazeta Si – Asgjë për t’u mbajtur mend nga vajzat kuqezi, as goli i nderit. Belgjika është shumë e fortë dhe edhe sot ka fituar pa problem ndaj Kombëtares sonë të femrave, me rezultatin 0-5, në ndeshjen e radhës kualifikuese të Botërorit.
Deri në minutën e 37-të zgjati rezistenca e skuadrës së drejtuar nga trajneri Armir Grima. Më pas erdhi dorëzimi. Brenda 6 minutash belget shënuan 3 gola, duke vendosur në ‘kasafortë’ fitoren. De Caigny shënoi dy herë dhe mes golave të saj shënoi edhe Vulaert. Po kjo lojtare do të shënonte edhe golin e 4-t në pjesën e dytë, kurse Blom vulosi rezultatin në 0-5.
Shqipëria mban vendin e 4-t në Grupin F të kualifikueseve, me 7 pikë. Ky grup udhëhiqet nga Norvegjia me 19 pikë dhe Belgjika me 17 pikë. Vajzat kuqezi kanë lënë pas Kosovën me 4 pikë dhe Armeninë me 0 pikë pas 7 ndeshjesh. Po sot Kosova u mund 5-1 nga Norvegjia.
Trajneri Armir Grima e nisi ndeshjen me këtë formacion: Viona Rexhepi, Alma Hila, Arbenita Curraj, Sara Maliqi, Endrina Elezaj, Qëndresa Krasniqi, Megi Doçi, Markela Bejleri, Luçie Gjini, Ezmiralda Franja, Kristina Maksuti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
