.png)
Organizata Botërore e Shëndetësisë ka paralajmëruar se nënvarianti i ri i Omicron, XE është një variant shumë i transmetueshëm dhe ka rritur rastet në Mbretërinë e Bashkuar ku u gjet fillimisht.
XE është një mutacion i nënvarianteve të Omicron BA.1 dhe BA.2 – i cili quhet “rikombinim”.
Në një raport të publikuar javën e kaluar, OBSH tha se rikombinimi XE u zbulua për herë të parë më 19 janar dhe tha se testet e hershme treguan se mund të ishte 10 % më i transmetueshëm se BA.2
“XE i përket variantit Omicron derisa mund të raportohen ndryshime të rëndësishme në karakteristikat e transmetimit dhe sëmundjes, duke përfshirë ashpërsinë,” thuhej në raportin e OBSH.
Agjencia e Sigurisë Shëndetësore e Mbretërisë së Bashkuar ka shpjeguar se, nënvarianti është i ri, e situata mund të ndryshojë.
Simptomat më të raportuara deri më tani të këtij varianti janë shumë të ngjashme me Omicron, veçanërisht te njerëzit që janë vaksinuar. Kjo përfshin rrjedhjen e hundëve, teshtitjen dhe dhimbjet e fytit, në krahasim me llojin origjinal të virusit që në përgjithësi kishte ethe, kollë dhe humbje të shijes ose nuhatjes.
Burimi: The Independent/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje