.png)
Produktet për zbardhjen e lëkurës (SLP) janë të disponueshme në mbarë botën. Një rishikim i kohëve të fundit i këtyre produkteve aktualisht në treg ka zbuluar se shumë ende përmbajnë nivele të rrezikshme të mërkurit.
Kimikati përdoret gjerësisht në produkte të tilla për shkak të aftësisë së tij për të shtypur prodhimin e melaninës, e cila i jep ngjyrë lëkurës dhe për të lehtësuar hiperpigmentimin si për shembull njolla kafe. Megjithatë, merkuri është shumë toksik për shëndetin e njeriut. Grupi i Punës “Zero Mercury” analizoi shitjet nga mbi 40 platforma online, duke përfshirë Amazon, eBay dhe Aliexpress. Ata zbuluan se 129 nga produktet e testuara përmbanin nivele të merkurit që kalonin 1 ppm, kufiri ligjor ndërkombëtar i vendosur për Merkurin.
“Ne e kemi kryer këtë lloj kampionimi tashmë tre herë, kështu që nuk do të thosha se ishim shumë të befasuar nga gjetjet,” tha Elena Lymberidi-Settimo , menaxhere e politikave në fushatat e organizatës “Zero Mercury”. Raporti u publikua nga Byroja Evropiane e Mjedisit.
Përdorimi i rregullt i SLP-ve që përmbajnë merkur redukton rezistencën ndaj infeksioneve bakteriale dhe kërpudhore, skuqjeve, zbardhjes së lëkurës dhe lëkurës me njolla. Në terma afatgjatë, përdorimi i merkurit ka qenë gjithashtu i lidhur me dëmtimin e syve, vështirësi në frymëmarrje, dëmtimi i sistemit nervor dhe sëmundje të veshkave. Për më tepër, njerëzit që përdorin SLP të pasura me merkur mund të ekspozojnë pa vetëdije anëtarët e tjerë të familjes përmes kontaktit të ngushtë.
Hulumtimet tregojnë se shtëpitë mund të kërkojnë edhe dekontaminim për të reduktuar ekspozimin ndaj merkurit pas përdorimit të SLP-ve. Përpjekjet për të rritur ndërgjegjësimin për SLP-të që përmbajnë merkur, janë thelbësore për të parandaluar helmimin me merkur dhe pasojat negative shëndetësore.
Një zbulim i rëndësishëm nga analiza është se nuk ka masa të mjaftueshme për të verifikuar sigurinë dhe ligjshmërinë e produkteve të shitura në platforma të shumta tregtare. Paralajmërimet ose ndalimet e përkohshme të shitjes gjithashtu nuk i pengojnë ato të rishfaqen në disa sajte.
“Ky hetim konfirmoi se shumica e platformave të tregtisë elektronike nuk janë mjaftueshëm të motivuara për të verifikuar ligjshmërinë e produkteve të shitura,” shkruajnë studiuesit.
Kur u pyet se cilat alternativa të sigurta ekzistojnë për njerëzit që mund të dëshirojnë të përdorin SLP-të, Shari Lipner, profesor i dermatologjisë klinike në Weill Cornell Medicine, tha se alternativat mund të jenë, hidrokinoni, vitamina K, acidi kojic dhe vitamina C.
Burimi: MedicalNews/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje