.png)
Të qenit mbipeshë ose obez në çdo moment të jetës mund të rrisë rrezikun e një personi për të zhvilluar kancer kolorektal, ka zbuluar një studim i ri. Studiuesit nga Qendra Gjermane e Kërkimit të Kancerit në Heidelberg, Gjermani, zbuluan se të qenit mbipeshë do të ndërtojë ngadalë rrezikun e zhvillimit të kancerit kolorektal, ngjashëm me mënyrën se si pirja e duhanit rrit rrezikun e kancerit të mushkërive.
Ekipi hulumtues beson se lidhja midis të qenit mbipeshë dhe zhvillimit të kancerit, është më e fortë se sa shumë besojnë. Studiuesit, të cilët publikuan gjetjet e tyre të enjten në “JAMA Oncology” , mblodhën të dhëna nga mbi 10,000 pjesëmarrës për studimin. Nga grupi i studimit, 5600 kishin kancer kolorektal.
Studimi u krye gjatë një periudhe dy dekadash, me të dhëna për gjatësinë dhe peshën e mbledhur që nga viti 2003. Indeksi i masës trupore (BMI) është llogaritur për çdo pjesëmarrës çdo vit. Metrika përdoret shpesh si një mënyrë e thjeshtë për të llogaritur se sa e shëndetshme është për një person në lidhje me gjatësinë e tyre.
Studiuesit zbuluan se personat që shtinin peshë nga vti në vit rrisnin mundësitë për të zhvilluar kancer kolorektal. Edhe nëse një person më vonë e zbriste peshën e tij në një nivel të shëndetshëm, ndikimi i peshës së mëparshme në trupin e tij do të vazhdonte
Michael Hoffmeister, bashkautor i studimit dhe zëvendës shef i divizionit në Qendrën Gjermane të Kancerit, tha për se funksionon në mënyrë të ngjashme me mënyrën sesi pirja e duhanit mund të rrisë rrezikun e kancerit të mushkërive gjatë gjithë jetës së një personi, edhe pse ata më vonë mund ta lënë duhanin.
“Studimi ynë tregon se pesha e tepërt mund të ketë një ndikim dukshëm më të fortë në rrezikun e kancerit
Kanceri kolorektal është një term që përcakton kancerin e zorrës së trashë dhe rektumit. Mund të zbulohet herët me kolonoskopi, e cila rekomandohet veçanërisht për individët mbi moshën 50 vjeç.
Hoffmeister vëren se shifrat e të prekurve janë rritur vitet e fundit, që korrespondon edhe me një rritje të individëve mbipeshë.
Eksperti vëren se për një person obez, sëmundje të tjera si sëmundjet e zemrës, diabeti, goditjet në tru apo edhe Covid-19 kanë më shumë gjasa të përbëjnë rrezik dhe se ata duhet të flasin me mjekun e tyre për mënyra më të mira për të menaxhuar dhe humbur peshë për të reduktuar rrezikun për t’u prekur nga ky kancer.
Burimi: Daily Mail/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje