.png)
Ambasada e SHBA mirëpret zgjatjen e afateve të punës së komisionit hetimor parlamentar të ngritur për çështjen e incineratorëve.
Përmes një postimi në rrjetet sociale, ambasadorja Yuri Kim e përfshin këtë çështje mes prioriteve në luftën kundër korrupsionit dhe forcimin e institucioneve demokratike.
“Forcimi i institucioneve demokratike dhe lufta kundër korrupsionit mbetet prioritete të SHBA në Shqipëri. Mirëpresim zgjatjen e afateve të komisionit parlamentar për incineratorët. Nxisim autoritetet dhe institucionet përkatëse që të hetojnë dhe ndërmarrin hapat e nevojshme. Do ta vëzhgojmë këtë çështje nga afër”, shkroi Kim.
Reagimi i Ambasadores mbërrin pas kërkesës së depozituar nga PD në këtë Komision për respektimin e rregullores për afatet. Komisioni u votua me 117 vota pro me afat pune 3-mujor. Mbledhja e fundit e komisionit u zhvillua më 19 janar, ku socialistët llogaritën si afat të punës edhe periudhën trejavore të pushimeve, ndërsa PD pretendoi për të kundërtën.
PD dorëzoi ankesë në Komisionin e Rregullores, që këtë të premte ka pranuar se afati i këtij komisioni skadon më 25 shkurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje