Sulmuesi i Kombëtares shqiptare, Sokol Cikalleshi, ka rinovuar kontratën me ekipin e Koniasporit deri në vitin 2024, pra edhe për për 2 vjet të tjera.
Duke qenë se kontrata e futbollistit kavajas skadonte në fund të këtij sezoni, kohët e fundit ka pasur shumë zëra për largimin e tij nga Koniaspori, por tashmë e ardhmja e Cikalleshit është e qartë. Klubi turk i ka ofruar një kontratë të re me rritje page dhe sulmuesi e ka pranuar.
Cikalleshi, 31 vjeç, ka disa vite që luan në futbollin turk, ku është ambientuar mjaft mirë, ndaj dhe ka preferuar të vazhdojë me Koniasporin, duke lënë mënjanë oferta ndoshta më të mira financiare nga Arabia.
Gjatë eliminatoreve të fundit, Sokol Cikalleshi ka qenë sulmuesi kryesor në formacionin e trajnerit Edi Reja. Me përvojën e tij dhe formën fizike, kavajasi e ka ndihmuar shumë Kombëtaren për të marrë rezultate të mira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
