.png)
Te dielën prej orës 08.00 të mëngjesit e deri në orën 17.00, Komisioni i Rithemelimit ka hapur primaret për përzgjedhjen e një kandidature nga propozimet e bazës së PD, për secilën nga gjashtë bashkitë ku do të mbahen zgjedhjet më 6 mars, konkretisht në Durrës, Shkodër, Lushnjë, Dibër, Vorë dhe Rrogozhinë.
Deri të shtunën në mesdite janë zyrtarizuar kandidaturat për bashkinë e Durrësit, Lushnjës e deri diku edhe Shkodrës.
Luan Hoti aktualisht kryetar i komanduar i PD-së së Durrësit, Manjola Luku. Ardian Muka, Oerd Bylykbashit, Igli Cara, Osman Stafa, Neritan Golja, Shkëlqim Fortuzi, Fatbardfha Kadiu, Thoma Gjokaj janë kandidaturat e propozuara nga baza, ndër ta edhe emra që mbështesin Bashën si Hoti dhe Luku.
Për Bashkinë Shkodër, emrat me potenciale për tu votuar të dielën do të jenë ajo e kryetares aktuale të Bashkisë, Voltana Ademi, Lorenc Luka dhe Bardh Spahia, te tre me mbështetje të gjere në radhët e PD-së Shkodër, por që kanë shkëputur lidhjet me PD-në zyrtare të Lulzim Bashës.
Zhvillimet e fundit nga PD-ja e Shkodrës tregojnë se Voltana Ademi ka shfaqur disa sinjale për dorëheqje nga gara për bashkinë, duke mos e futur emrin te dielën për votim. Gjithësesi, deri te shtunën në mesditë, Ademi nuk ka konfirmuar zyrtarisht qëndrimin e saj.
Ndërkohë ka përfunduar lista e kandidaturave për Lushnjën. Ata janë; Arben Zajmi, Elton Bano, Eurion Iliazi dhe Indrit Qerimi.
Te shtunën pritet të përfundojë lista e kandidatëve për Rrogozhinën, Vorën dhe Dibrën, për të kaluar më pas ne votim të dielën.
Nuk është vendosur ende edhe se si do të dalin kandidatët e njërës palë brenda PD-së, sa kohë që pala tjetër ajo zyrtare nuk i njeh si kandidatë zyrtarë
Dy janë variantet; Ose si kandidatë të pavarur ose në siglën e një koalicioni mes aleatësh përfshi edhe LSI-në.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje