Kryeministri Edi Rama ka reaguar përmes një postimi në “Twitter” për arrestimin e djalit të deputetit Rrahman Rraja pas akuzave të Partisë Demokratike se policia dhe prokuroria e kanë arrestuar për fasadë.
Kryeministri Rama shprehet se PD po prezanton 'jashtënxjerrjen politike' të radhës.
“Arrestim fasadë"!Ja dhe një prurje e re e jashtënxjerrjes politike mbi vajzën e kthyer në mish për topat e dëshpërimit opozitar! Domethënës sulmi ndaj prokurorisë: Gratë prokurore s'janë as gra, as nëna, as vajza po bashkëpunëtore të krimit?Mjerë kush i beson këta të paudhë”, shprehet Rama në “Twitter”.
Më herët opozita reagoi për arrestimin në fjalë me anë të deputetes Jorida Tabaku, duke e cilësuar arrestimin si fasadë.
“Arrestim për fasadë, në shkëmbim të heshtjes së opinionit publik. Ka synim edhe mbylljen sa më parë të skandalit”, tha Tabaku.
Më tej, deputetja e PD-së u shpreh se heshtja nuk do të tolerohet, ndërsa tha se do të jetë pjesë e shoqërisë civile në protestën e ditës së sotme në orën 17:30 përballë Kryeministrisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.