.png)
Verkhoiansk, në Siberi, 115 kilometra në veri të Rrethit Arktik, njihet si “qyteti më i ftohtë në botë”. Në Verkhoiansk, temperaturat janë matur rregullisht dhe me saktësi që nga viti 1885 dhe në dimër mesatarja është e qëndrueshme nën -30 gradë, shpesh duke arritur majat prej 60 nën zero.
Më 20 qershor 2020, në Verkhoiansk temperatura u mat 38 gradë, të cilën Organizata Botërore Meteorologjike e ka vërtetuar tani si një rekord të ri për temperaturën më të lartë të regjistruar ndonjëherë në Arktik.
“Ky rekord është një thirrje e re zgjimi për ndryshimet që po ndodhin në klimë”, komentoi Petteri Taalas, Sekretari i Përgjithshëm i Agjencisë së Motit të OKB-së.
Gjithashtu në vitin 2020, në anën e kundërt të botës, në Antarktidë, u regjistrua temperatura më e lartë: 18.3 gradë (një kulm prej 20 gradë është ende nën hetim).
Dy rekorde të tjera të nxehtësisë, janë në pritje të kontrolleve të mëtejshme për t’u vërtetuar: ai absolut prej 54.4 gradësh i regjistruar në dy raste në vitin 2020 dhe këtë vit në Luginën e Vdekjes në Kaliforni dhe 48.8 gradët e 12 gushtit të kaluar, Floridia, në provincën e Sirakuzës (Itali), e cila do të vendoste primatin evropian. Ekspertët po përfundojnë kontrollet në instrumentet matëse që kanë regjistruar këto kulme të temperaturës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
