.png)
Pandemia ka ngritur “kokën” në SHBA, ku infeksionet nga Covid 19 kthehen në 100 mijë në ditë dhe vdekjet arrijnë në një mijë: mesatarja e javës së fundit është 114,150 raste të reja, me një rritje prej 52,4%, dhe 1,257 vdekje (+ 42%).
Nga ana tjetër, gazeta amerikane “New York Times” zbulon se varianti ‘Omicron’ ka qenë i pranishëm në Shtetet e Bashkuara para se të identifikohej zyrtarisht në Botsvanë dhe Afrikë të Jugut.
Testet laboratorike në fakt kanë konfirmuar praninë e mutacioneve të tij pas një testi tek një analist shëndetësor nga Mineapolisi, i cili nga 19 deri më 21 nëntor mori pjesë me 53 mijë njerëz të tjerë në një kongres në Manhatan dhe doli pozitiv në 23 nëntor, një ditë para se shkencëtarët të njiheshin për variantin e ri në Afrikën Jugore, të cilin OBSH nuk i kishte pagëzuar ende me një emër.
"Unë jam në thelb pacienti zero", tha 30-vjeçari Peter McGinn, duke siguruar që ai nuk e di se si e kontraktoi virusin. Autoritetet shëndetësore të Nju Jork Sitit, dërguan dhjetëra mijëra e-mail dhe mesazhe me tekst për pjesëmarrësit e kongresit, duke i nxitur ata të testonin veten. Për momentin, asnjë rast i ‘Omicron’ nuk është raportuar, por vetëm variante të tjera të njohura tashmë.
Pavarësisht përpjekjeve të administratës Biden, popullsia plotësisht e vaksinuar në SHBA është ende nën 60% (59.8%): 198 milionë, megjithëse së shpejti do të kalojë 200 milionë. Por ende mbetet pas shumë vendeve si Kanadaja, Kina, Italia, Spanja, Franca, Japonia dhe Singapori.
Presidenti Biden nisi fushatën e tij dimërore ditët e fundit, duke e quajtur variantin ‘Omicron’, "shqetësues, por jo panik" dhe duke bërë thirrje për tejkalimin e "ndarjeve politike" në luftën kundër pandemisë.
Ndër masat e reja, është forcimi i fushatës së vaksinimit (edhe për përforcuesit), testet falas për Covid në shtëpi (ose të rimbursueshme për 150 milionë amerikanët që kanë sigurim shëndetësor privat), zgjatja deri në mes të marsit për detyrimi e mbajtjes së maskës në transportin publik dhe masa më të rrepta për udhëtarët që hyjnë në vend (test një ditë para nisjes).
Është planifikuar gjithashtu hapja e qindra klinikave të reja të lëvizshme të vaksinimit: në disa, të gjithë anëtarët e një familjeje do të imunizohen në të njëjtën kohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
