.png)
Njerëzve që vuajnë nga depresioni i lehtë duhet t’u ofrohet terapi apo edhe stërvitje përpara se t’u jepen ilaçe kundër depresionit, sipas ekspertëve të Institutit Kombëtar për Përsosmërinë e Shëndetit dhe Kujdesit(NICE) në Londër. Ata thanë se njerëzit duhet së pari të kenë mundësinë të marrin pjesë në aktivitete të tilla si meditimi, terapia e sjelljes, ose seanca këshillimi individuale, përpara se të jepet mjekimi.
Ekspertët kanë shkruar se nuk duhet të ofroni në mënyrë rutinore ilaçe kundër depresionit si trajtim të linjës së parë për depresionin e lehtë vetëm nëse kjo është preferenca e personit që vuan nga depresioni. Ai u bën thirrje mjekëve që të përfshijnë pacientët në biseda rreth asaj që do t’u përshtatej më shumë, por thotë se terapia konjitive e sjelljes në grup (CBT) mund të ofrohet si trajtimi i parë.
CBT fokusohet në mënyrën se si mendimet, besimet, qëndrimet, ndjenjat dhe sjellja ndër veprojnë, vendos qëllime dhe mëson aftësi më të mira përballuese.
Ndërhyrje të tjera të sugjeruara nga ekspertët e Nice përfshijnë aktivizimin e sjelljes në grup (BA), i cili e ndihmon personin të njohë modelet negative dhe të fokusohet në sjelljet që lidhen me përmirësimin e humorit.
BA ose CBT individuale mund të ofrohen gjithashtu krahas vëmendjes ose meditimit në grup, ushtrimeve dhe këshillimeve në grup.
Ekspertët e Nice tha se njerëzve mund t’u ofrohet një sërë trajtimesh për të zgjedhur si pjesë e një diskutimi rreth asaj që mund të kontribuojë në depresionin e tyre dhe përvojën e personit për ndonjë episod të mëparshëm depresioni ose trajtim.
Një gamë e gjerë ndërhyrjesh psikologjike, së bashku me opsionin e ilaçeve kundër depresionit, janë në dispozicion për ata që zgjedhin një trajtim të linjës së parë për depresionin e rëndë.
“Njerëzit me depresion meritojnë dhe presin trajtimin më të mirë. Pandemia Covid-19 na ka treguar ndikimin që ka pasur depresioni në shëndetin mendor të njerëzve. Ata që vuajnë nga depresioni kanë nevojë për këto rekomandime udhëzuese të bazuara në prova që funksionojnë,” tha Paul Chrisp, drejtor i qendrës për udhëzime në Nice.
Nav Kapur, profesor i psikiatrisë dhe shëndetit të popullatës në Universitetin e Mançesterit tha se rekomandimet e reja do të kenë një ndikim real tek njerëzit që vuajnë nga depresioni.
“Në veçanti ne kemi theksuar rolin e zgjedhjes së pacientit duke treguar që praktikuesit duhet t’u ofrojnë njerëzve një zgjedhje të trajtimeve të bazuara në prova dhe të kuptojnë se jo çdo trajtim do t’i përshtatet çdo personi,” shtoi Kapur.
Burimi:The Indpendent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje