Goleada e Anglisë i kushton tri vende Kombëtares shqiptare në renditjen e FIFA-s. Pesë golat e pësuar në atë ndeshje sigurisht që kanë ndikim negativ në përllogaritjen e pikëve për muajin nëntor dhe kuqezinjtë, nga vendi 63-të që mbanin në muajin tetor, zbresin në vendin e 66-të.
Shqipëria gjatë këtij muaji ka marrë edhe fitoren me Andorrën, që duket se nuk sjell pikë mjaftueshëm për të ruajtur të paktën pozicionin e mëparshëm, pasi kundërshtari është shumë modest. Në tetor Kombëtaren e ngriti shumë fitorja në Hungari.
Ka përmirësuar renditjen e saj me dy pozicione Kosova, që nga vendi i 113-të është ngjitur në vend të 111-të për shkak të barazimit 1-1 në fushën e Greqisë vetëm pak ditë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
