Sokol Cikalleshi duket në një formë shumë të mirë para gurmbullimit në Kombëtare. Sulmuesi kavajas ishte njeriu i ndeshjes Gëztepe-Koniaspor, që përfundoi me rezultatin 0-2. Të dy golat mbajnë firmën e Cikalleshit, një “ujk” i vjetër tashmë në kampionatin turk.
Cikalleshi realizoi nga një gol në çdo pjesë dhe i dha tri pikë shumë të rëndësishme Koniasporit, që është ngjitur në kuotën e 23 pikëve në renditje dhe mban vendin e tretë. Në këtë ndeshje u aktivizuan edhe lojtari tjetër i Kombëtares Endri Çekiçi, si dhe kosovari Bytyqi, por që të dy u zëvendësuan, ndërsa sulmuesi me përvojë qëndroi 90 minuta në fushë.
Serdar Gürler alev aldı 🔥🔥
— @goalforza_’yı takip ediniz. (@canligooltv4) November 7, 2021
⚽️ 72' Cikalleshi
Göztepe 0-2 Konyaspor
Tüm videolar için • @goalforza_ pic.twitter.com/a9Aj4jpK9V
Kujtojmë që Cikalleshi kthehet në Kombëtare pas mungesës ndaj Polonisë, ku u ai u infektua në grumbullimin e kuqezinjve nga Covid-19. Edhe ndaj Anglisë më 12 nëntor ai me siguri do të ketë minuta, titullar apo zëvendësues, e vendos trajneri Reja.
Titullar është aktivizuar sot edhe mbrojtësi Marash Kumbulla, por Roma e tij u mund 3-2 në fushën e Venecias. Këtë herë Mourinjo preferoi mbrojtjen me 3 lojtarë dhe aktivizoi Kumbullën në të majtë, por e ndërroi në pjesën e dytë. Lojtari kuqezi është vlerësuar me një notë të ulët nga specialistët në Itali, pasi nuk ishte në nivelin e kërkuar dhe hasi vështirësi me sulmuesit kundërshtarë. Megjithatë, në Kombëtare Kumbulla është paraqitur ndryshe në ndeshjet e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
