.png)
Numri i pasagjerëve që fluturuan përmes Aeroportit të Rinasit në shtator të këtij viti arriti në 390 mijë, duke kaluar nivelet e 2019-s me 15%, sipas të dhënave nga Autoriteti i Aviacionit Civil.
Me rritje të ndjeshme ishin fluturimet përmes charter-ave, përmes të cilëve lëvizin turistët që vijnë në vend nga agjencitë turistike. Me charter fluturuan gjithsej 64 mijë pasagjerë, me rritje prej 33% në krahasim me 2019-n dhe 327% në raport me shtatorin 2020. Përmes charter-ave u realizuan 17% e fluturimeve në shtator.
Operatori më i madh në treg për muajin shtator është WIZZ Air, përmes të cilit kanë udhëtuar 40% e pasagjerëve. Operatori i dytë më i madh është Air Albania, që në shtator 2021 kishte 9% të tregut.
I tregti është Alba Wings me 6% të tregut.
Renditjen e vijon Lufthansa me 6% dhe Austrian Airlines me 4%.
Në 2020-n, numri i pasagjerëve që fluturuan nga dhe drejt Rinasit ra me më shumë se 60%. Tregu është rikuperuar ndjeshëm këtë vit dhe nga muaji gusht numri i pasagjerëve po i tejkalon dhe nivelet e para pandemisë. Shqipëria edhe gjatë vitit të shkuar, njësoj si sivjet, nuk ka pasur kurrë kufizime lëvizjeje, përveç se në periudhën e karantinimit të plotë. Shqiptarët dhe të huajt kanë lëvizur lirisht brenda dhe jashtë Shqipërisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
