.png)
A po fillon sërish një valë e re? “Kush mund të thotë, me këtë virus që përpiqet të na rrethojë në çdo mënyrë. Megjithatë, cfarëdo që të ndodhë këtë dimër, është më qetësuese ta përballosh atë me 85% të vaksinuar”, thotë Sergio Abrignani, imunolog në Universitetin e Milanos, anëtar i Komitetit Shkencor Teknik në Itali.
Kemi rekorde të infektimeve në gjysmën e Evropës, dhe rritje të numrit në Itali. Cfarë shihni tek gota gjysmë plot?
“Mund tua tregoj me një grafik të projektuar në ekran, më pas dua të shoh se kush i thotë jo vaksinës. Në janar, Britania e Madhe kishte pak imunizime, 50 mijë infeksione në ditë dhe mesatarisht 1500 vdekje. Sot, me tre të katërtat e qytetarëve të vaksinuar, ajo ka ende 50,000 raste, por mesatarisht 150 vdekje. Gjithmonë ka shumë. Por kjo tregon se vaksinat shpëtojnë 1350 jetë në ditë vetëm në Britani. Është si të shmangësh një 11 shtator çdo dy ditë. Për Italinë, ISPI ka llogaritur 30 mijë jetë të shpëtuara nga vaksinat në 4-5 muajt e parë të fushatës. Le të imagjinojmë një qytet të vogël. Jeta ose vdekja e tij përcaktohen nga një zgjedhje: të vaksinohet apo jo”.
Plus është edhe zgjedhja e dytë tani, nëse gjykoni numrin e dozave të para.
“Jemi duke u ngadalësuar në këtë proces, por po arrijmë në 47 milionë italianë. 85% e të vaksinuarve pa u detyruar janë një shifër e jashtëzakonshme. Nëse, siç shpresoj, arrijmë 90% brenda vitit, do të ishte një rezultat i mahnitshëm dhe ka mundësi që së shpejti të vijë autorizimi edhe për fëmijët. SHBA tashmë ka filluar të ngadalësohet procesi i vaksinimit në 50%. Nga 6-7 milionë njerëz që nuk janë vaksinuar, shumica mund të binden. Të guximshmit me siguri paranojake (që nuk duan të vaksinohen) janë rreth një milion, dhe ata që ushqehen me siguri të rreme as që mund të diskutohen”.
Britania e Madhe po na mëson se vetëm vaksinat nuk janë të mjaftueshme, për të frenuar infeksionet…
“Ata ndoshta po paguajnë për një braktisje të plotë të të gjitha masave të kontrollit për të paktën tre muaj, kanë një përqindje pak më të ulët të vaksinimit dhe kanë përdorur gjysmën e dozave AstraZeneca, e cila ka rezultuar më pak efektive. Krahasuar me ne, ata braktisën masat disa muaj më parë dhe tashmë po shohin një rënie të efektivitetit të vaksinave. Ndoshta nevojiten doza e treta dhe këtu nuk ka asgjë të çuditshme. Shumica e vaksinave që ne njohim kanë tre doza. Tani është e drejtë t’u jepet përparësi atyre që kanë më shumë nevojë, dhe më pas doza e tretë mund të shtrihet për të gjithë”.
A janë infektimet mes punonjësve të kujdesit shëndetësor në Itali një shenjë paralajmëruese?
“Mund të jetë, edhe pse Instituti i Lartë i Shëndetësisë ende regjistron vlera shumë të larta të efikasitetit të vaksinës. Përveç Johnson & Johnson, e cila ofron vetëm një dozë, AstraZeneca jep gjithashtu mbrojtje pak më të ulët se dy vaksinat ARN. Nga SHBA-të po na tregojnë së fumdmi se ndër to, mbrojtja e nxitur nga Moderna zgjat pak më shumë se Pfizer sepse ka përbërës më aktiv. Kjo është edhe arsyeja pse jep pak më shumë temperaturë dhe dhimbje pas marrjes së dozës”.
Çfarë mund të funksionojë më mirë në Itali?
“Ne jemi ende prapa me sekuencën e varianteve dhe nuk po shkëlqejmë për metodat diagnostikuese, Britania e Madhe po merr 1.3 milionë teste në ditë. Kemi ende disa gjëra për të përmirësuar, por po shpëtojmë jetë. Dhe për fat të mirë, pandemia na goditi në vitin 2020. Nëse virusi i SARS-it të parë, në 2002, do të kishte qenë më agresiv në infektimin e tij, ne nuk do të kishim mundur të krijonim një vaksinë për 8 muaj si kësaj here. Atëherë do të na duheshin të paktën 3 vjet”.
Marrë nga La Repubblica/ Përshtati në Shqip; Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje