Mirel Josa është zyrtarisht trajneri i ri i Laçit. Kryeqytetasi merr vendin e malazezit Vukiçeviç, i larguar nga stoli kurbinas pas humbjes në shtëpi me Egnatian javën e kaluar. Në ndeshjen ndaj Kastriotit skuadra u drejtua nga Sero Noka, ndërsa sot presidenti Pashk Laska ka emëruar Josën në krye të Laçit.
Kjo është lëvizja e parë në Superiore sa u takon trajnerëve. Jemi ende në javën e 6-të, por ecuria e Laçit në këtë start sezoni ishte shumë e dobët, ndaj dhe ndryshimi i trajnerit ishte i pashmangshëm. Aktualisht kurbinasit kanë 5 pikë.
Josa është një trajner me shumë përvojë. Kulmi i tij lidhet me ciklin fitues të Skënderbeut, të cilin e udhëhoqi edhe në grupet e Ligës së Europës herën e parë. Trajneri kryeqytetas ka drejtuar në karrierë edhe skuadra të tjera me emër, si Tirana, Vllaznia dhe Teuta. Ekipi i fundit që ka drejtuar në Superiore është Kukësi, ndërkohë që ka pasur një përvojë edhe në Kosovë me Prishtinën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.