Mendohet se duhen miliarda kundër ndryshimeve klimatike, por hulumtimet tregojnë të kundërtën

Konferenca e Kombeve të Bashkuara për Ndryshimet Klimatike e vitit 2021, e njohur edhe si COP26, është konferenca e 26-të e Kombeve të Bashkuara për Ndryshimet Klimatike. Është planifikuar të mbahet në qytetin e Glasgow, Skoci midis 31 tetorit dhe 12 nëntorit 2021, nën presidencën e Mbretërisë së Bashkuar por para se të mbahet kjo konferencë, në Milano janë mbledhur persona të interesuar për këtë temë ku dhe po zhvillojnë bisedimet përfundimtare para konference kryesore.

Përfaqësuesit e shteteve pjesëmarrëse besojnë se pavarësisht kritikave për ritmin e ngadaltë të përparimit, janë bërë disa hapa para përsa i përket ndryshimit klimatik.

Javën e kaluar në Asamblenë e Përgjithshme të OKB-së, njoftimet nga Kina dhe SHBA mbi financimin e qymyrit dhe klimës, ndihmuan në përmirësimin e perspektivave për konferencën.

Negociatorët që takohen në këtë takim “para-COP” janë nën presion për të hapur rrugën për shefat e tyre, presidentët dhe kryeministrat e botës që do të takohen në Glasgow.

Një nga problemet e mëdha që pengon përparimin është çështja e parave.

Me gjithë premtimet, kombet e pasura janë ende me vetëm rreth 20 miliardë dollarë investim nga 100 miliardë dollarë të premtuar në vit për të ndihmuar vendet më të varfra të përballonin temperaturat në rritje.

“A nuk është qesharake, që në mes të një ekonomie prej një trilion dollarësh të reagimit emergjent që po shohim tani, ne po bëjmë pazar mbi një çmim prej 20 miliardë dollarësh”, tha Achim Steiner, kreu i UNDP(Programi i Kombeve të Bashkuara për Zhvillim).

Steiner ka qenë vëzhgues i procesit të bisedimeve për klimën për shumë vite.

“Koha po mbaron dhe ne nuk mund të gjejmë një mënyrë në të cilën mund të financojmë? Thjesht nuk është e pranueshme”, tha ai për BBC.

Ndërsa ministrat do të diskutojnë se si do të gjejnë paratë, hulumtimet e reja kanë zbuluar se mbajtja e rritjes së temperaturës mesatare globale në 1.5 gradë celcius (një ndër pikat që do të diskutohen në Konferencë) mund të bëhet me një kosto relativisht të ulët në të ardhmen.

Raporti vjen nga Komisioni i Tranzicioneve të Energjisë.

Ata përshkruajnë gjashtë veprime që mund të ndërmerren nga kompanitë dhe vendet për të kufizuar ngrohjen në 1.5 gradë Celsius.

Hapat kryesorë përfshijnë:

Shkurtime të rëndësishme dhe të shpejta në emetimet e metanit: Veprimet me kosto të ulët mund të ulin emetimet e lidhura me karburantet fosile me 60% deri në vitin 2030 dhe metanin nga bujqësia dhe menaxhimi i mbeturinave me 30%.

Dekarbonizimi i sektorit të energjisë dhe përshpejtimi i fazës së thëngjillit: Një ndalim i menjëhershëm i ndërtimit të impianteve të reja me qymyr të kombinuar me një fazë jashtë burimeve ekzistuese, mund të shkurtojë 3.5 miliardë tonë CO2 deri në vitin 2030.

Përshpejtimi i elektrifikimit të transportit rrugor: Raporti parashikon ndalimin e shitjes së motorëve me djegie të brendshme deri në vitin 2035.

Përshpejtimi i dekarbonizimit të furnizimit në ndërtesa, industri dhe transport: Kompanitë dhe vendet që prodhojnë çelik, çimento, anije dhe avionë mund të krijojnë një miliardë ton shtesë të reduktimeve të emetimeve çdo vit.

Ringjallja e efikasitetit të energjisë dhe burimeve: Përmirësimet në efikasitetin e energjisë kanë ngecur dhe mund të përshpejtohen me vendime dhe veprime në COP26.

Ndalimi i shpyllëzimit dhe fillimi i ripyllëzimit: Kjo do të kërkojë mbështetje të konsiderueshme financiare nga vendet e pasura të zhvilluara dhe duhet të jetë një përparësi për financimin e klimës.

“Pragu 1.5C është absolutisht i mundur teknologjikisht me kosto të cilat ekonomia globale mund t’i gjejë lehtësisht”, tha Adair Turner, kryetari i Komisionit të Tranzicioneve të Energjisë.

“Ne e dimë çfarë është e mundur dhe mendojmë e besojmë se këto pika mund të plotësohen nëse të gjitha vendet bashkëpunojnë bashkë”.

Burimi: BBC. Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.