Shqipëria dhe Kosova në futboll për femra janë ndarë në barazim 1-1 në “Elbasan Arena”, ndeshja e parë kjo në kuadrin e eliminatore të Botërorit “Australi–Zelandë e Re 2023”.
Për Kombëtaren kuqezi shënoi sulmuesja dhe kapitenja Megi Doçi me një penallti që e fitoi po vetë. Raste të tjera shënimi skuadra e trajnerit Grima krijoi edhe me Elezajn, Hamidin dhe Franjan, por pa rezultat.
Gjatë pjesës së dytë Kosova u përpoq më shumë, bëri disa ndërrime dhe në minutën e 72-të arriti të barazonte me anë të Limanit, pas një pasimi të bukur të Memetit. Në minutat e mbetura Shqipëria nuk ia doli të gjente golin e fitores dhe në fund u kënaq me një pikë në ndeshjen e parë të këtyre eliminatoreve.
Trajneri Armir Grima e nisi ndeshjen me këtë formacion: Rexhepi, Hilaj, Curraj, Maliqi, Elezaj, Krasniqi, Franja, Gjini, Doçi, Hamidi, Maksuti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
