Kush ka planifikuar të lëvizë në fundjavë kryesisht në bregdet duhet të shikojë dy herë temperaturat.
Sipas sinoptikanes Adiola Bani, e diela paraqitet me vranësira të shpeshta në të gjithë vendin ku në zonat Jugore e Jug-Lindore do ketë herë pas herë rrebeshe afatshkurtra shiu.
Më pak reshje do të ketë në zonat Qendrore dhe ato Lindore, ndërsa Veriu paraqitet me kthjellime e vranësira kalimtare.
Edhe sa i përket temperaturave të ajrit ato do të kenë një zbritje ditën e dielë, por jo shumë krahasuar me të shtunën kur termometri në disa zona shënon 31 gradë Celsius.
E diela do të ketë luhatje temperaturash kryesisht në mëngjes por dhe gjatë ditës duke bërë që vlerat të luhaten nga 11 deri në 29 gradë Celcius.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
