Shqipëria U-21 ka pësuar një humbje të thellë në Çeki, në ndshjen e dytë në grup në kualifikueset e Europianit. Kuqezinjtë e vegjël janë mundur 4-0 dhe rezultati flet qartë për paraqitjen e tyre në këtë transfertë.
Pjesa e parë ishte shumë e dobët. Skuadra e drejtuar nga trajneri Alban Bushi pësoi 3 gola të shpejtë, 2 të parët për gabime të pafalshme të portierit Alia. Çekët shfrytëzuan dobësitë në mbrojtjes të skuadrës sonë dhe bënë çfarë deshën. Në pjesën e dytë ata shënuan edhe golin e katërt.
Shqipëria e mbylli ndeshjen me 10 vetë, pasi Mitaj u ndëshkua me karton të kuq (dy të verdhë). Kuqezinjtë bëjnë pjesë në Grupin G dhe pas 2 ndeshjesh kanë vetëm 3 pikë, pas fitores me Andorrën. Në grup bëjnë pjesë edhe Çekia, që kryeson me 6 pikë, Anglia, Kosova, Sllovenia dhe Andorra.
Skuadra jonë e nisi ndeshjen në Çeki me këtë formacion: Alia, Ismailgeci, Pëllumbi, Selmani, Mitaj, Marku, Muçi, Çelhaka, Lakti, Karrica dhe Gjata. Çoba zuri vendin e Gjatës që në pjesën e parë, ndërsa në pjesën e dytë u aktivizuan edhe Mehmeti, Nikqi, Prengaj dhe Vangjeli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
