Pak pak nis në Varshavë ndeshja mes Kombëtares sonë dhe Polonisë, e vlefshme për kualifikueset e Botërorit të Katarit. Trajneri Reja ka bërë zgjedhjet e tij për këtë transfertë, ku dilema e vetme në fakt ishte sulmi.
Italiani ka konfirmuar dyshen Cikalleshi-Manaj, ndërsa Broja dhe Uzuni e nisin nga stoli. Pjesa tjetër e skuadrës është ajo që pritej, me Berishën në portën, Ismajlin, Kumbullën dhe Gjimshitin në mbrojtje, si dhe Abrashin, Gjasulën, Baren, Hysajn dhe Trashin në mesfushë.
Bajrami mbeti jashtë kësaj ndeshjeje, por pritet të luajë ndaj Hungarisë në Elbasan. Kuqezinjtë synojnë të marrin rezultat pozitiv në Poloni, ndaj një rivali të drejtpërdrejtë në objektivin për vendin e dytë në Grupin I.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
