Agjencia botërore meteorologjike “Severe Weather” ka lëshuar një paralajmërim me rrezik të lartë për shtetet e rajonit të Ballkanit Perëndimor për shkak të stuhisë.
Zonat me rrezik të lartë, të cilat mund të goditen sot dhe nesër (5 dhe 6 gusht), janë: Kroacia Veriore, Bosnjë Heregovina Veriore, Serbia Jugperëndimore, Kosova, Mali i Zi, Shqipëria dhe veriperëndimi i Maqedonisë Veriore.
Këto zona kërcënohen nga erërat e forta që mund të shkaktojnë dëme, breshër, reshje të mëdha shiu e madje edhe tornado.
“Moti i ashpër pritet të enjten, ndërsa një valë shumë dinamike e nivelit të sipërm lëviz mbi Gadishullin Ballkanik. Vala e nxehtësisë së jashtëzakonshme të vazhdueshme në pjesën juglindore të Evropës dhe Turqisë do të përfundojë me mot jo të mirë në disa vende të Ballkanit dhe freskim për Greqinë dhe rrethinat e saj”, thuhet në njoftimin e “Severe Weather”.
Agjencia thotë se moti i ashpër ishte paralajmëruar që mëngjesin e së enjtes, por që mund të jetë edhe në orët e pasdites.
Gjithashtu u lëshua një paralajmërim për përmbytje. Stuhia pritet të lëvizë nga veriu në Ballkanin Qendror gjatë ditës, por stuhia do të dobësohet ndërsa lëviz.
Këtë mëngjes dëme tashmë ishin regjistruar në pjesë të caktuara të Bosnj për shkak të një stuhie që shkuli pemët, çatitë dhe shkaktoi rrjetin e energjisë elektrike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
