.png)
Një ilaç eksperimental i zhvilluar nga kompania farmaceutike Argenx SE, solli përmirësime në aktivitetet e përditshme, duke përfshirë përtypjen dhe gëlltitjen, në pacientët që vuajnë nga një sëmundje autoimune dobësuese e muskujve, sipas të dhënave të botuara në revistën mjekësore “Lancet Neurology”.
Studimi i fazës së vonë përmbushi qëllimin e tij kryesor për të demonstruar se një përqindje më e madhe e pacientëve në trajtim treguan përmirësim në aktivitetet e tyre të përditshme. Studimi regjistroi 167 pjesëmarrës për të vlerësuar ilaçin, efgartigimod, i cili synohet të zvogëlojë një lloj të antitrupave shkaktarë të sëmundjeve që gjenden zakonisht te pacientët me çrregullime kronike autoimune.
Pacientët me miastenia gravis vuajnë nga dobësia e muskujve që mund të ndikojë në aktivitetet e përditshme, duke përfshirë lëvizjen e syve, shprehjen e fytyrës, përtypjen, të folurit dhe gëlltitjen. Rezultatet kryesore të studimit u botuan nga kompania në maj të vitit të kaluar. Kërkesa për ilaçin aktualisht është duke u shqyrtuar nga Administrata e Ushqimit dhe Barnave në SHBA. Trajtimet ekzistuese për miastenia gravis të përgjithësuar shoqërohen me efekte anësore të rënda afatshkurtra dhe afatgjata që mund të kufizojnë përdorimin e tyre, kështu ekspertët e kanë cilësuar këtë medikament si shpëtim.
Burimi: Reuters/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje