.png)
Shefja e kërkimeve shkencore në Organizatën Botërore të Shëndetësisë (OBSH) në një deklaratë për mediat ka deklaruar se është kundër “përzierjes” së vaksinave COVID-19 nga prodhues të ndryshëm. Duke folur gjatë një konferencë në internet, Soumya Swaminathan tha se ka pak të dhëna për ndikimin në shëndet të përzierjes së vaksinave të ndryshme.
“Është pak një trend i rrezikshëm. Ne kemi një gjë pa të dhëna, pa prova për sa i përket përzierjes. Do krijohet një situatë kaotike në të gjitha vendet nëse qytetarët fillojnë të vendosin se çfarë doze të dytë do marrin, “tha Swaminathan.
Në botë kanë nisur studime mbi këtë çështje dhe po provohet se si mund të funksionojë përzierja e dy vaksinave për Covid-19. Ideja e ekspertëve atje është që individët të marrin dozën e parë të një vaksinë (Pfizer) dhe dozën e dytë një vaksinë të një kompanie tjetër (Moderna ose AstraZeneca). Sipas tyre kështu do të sigurohet më shumë fleksibilitet në përdorimin e vaksinave, duke shmangur kështu dhe vonesat që mund të bëhen me furnizimet. Shkencëtarët thonë se përzierja e goditjeve gjithashtu mund të japë mbrojtje edhe më të mirë.
Deri më tani studimet kanë treguar se përzierja e dozave Pfizer dhe AstraZeneca ka përmirësuar reagimin imunitar. Alternimi i dozave siguronte më pak një përgjigje imune se sa dy doza Pfizer, por më shumë se sa dy doza AstraZeneca. Zbulimet ka të ngjarë të nxisin më shumë vende të eksplorojnë përzierjen e llojeve të vaksinave, duke shtuar fleksibilitet në përdorimin e tyre.
Nga të dhënat e deri tanishme vetëm vaksinat Pfizer dhe AstraZeneca po kombinohen me njëra tjetrën për të parë reagimet në popullatë.
Burimi:The Standart/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje