.png)
Ndërkohë që bota është në një luftë mes variantit Delta dhe arritjes së imunitetit të tufës, studiuesit britanikë kanë thënë se vala e variantit Delta mund të lërë qindra mijëra të rinj me probleme shëndetësore. E njohur gjithashtu si sindroma post-Covid, gjendja parashikon një sërë simptomash që vazhdojnë me muaj pasi një person ka kaluar Covid-19.
Shumë pacientë përjetojnë dobësi, temperaturë, dhimbje gjoksi, probleme me gjumin, probleme me kujtesën dhe përqendrimin. Danny Altmann, një profesor i imunologjisë në Kolegjin “Imperial”, thotë se provat nga shumë vende tani tregojnë se bashkë me rritjen e rasteve nga varianti Delta është rritur edhe numri i personave që po përjetojnë gjendjen post-Covid.
“Nga çdo variant i Covid-19 që kemi parë ndonjëherë, ne kemi një rregull të përgjithshëm që çdo rast i Covid, qoftë ai asimptomatik, i lehtë, i rëndë ose i shtruar në spital, ka mundësi të ketë një rrezik prej 10 deri në 20% të zhvillimit post-Covid, ”tha ai.
Altmann thotë se është e arsyeshme të presim që çdo rast i infektuar që raportohet në ditë të përllogaritet si një individ që do të përjetojë post-Covid.
Askush nuk e di me të vërtetë se çfarë e shkakton Covidin e gjatë. Shumë studiues dyshojnë se ka një sërë shkaqesh. Disa sëmundje mund të nxiten nga dëmtimi qelizor që shkakton virusi kur infekton indet. Një mundësi tjetër është që virusi të zgjasë dhe të lokalizohet diku në trup. Studimi i fundit nga fondacioni Convalescence në Mbretërinë e Bashkuar ka zbuluar se Covid i gjatë ishte më i zakonshëm në moshën e mesme (17%) sesa tek të rinjtë (7.8%). Por Covid i gjatë është shumë më i rëndë në disa se të tjerët. Rreth 1.2% e 20-vjeçarëve dhe 4.8% e njerëzve të moshës së mesme të intervistuar për studimin thanë se sëmundja e tyre ishte mjaft serioze dhe ka ndikuar në rutinën e tyre ditore.
Studimi vazhdoi për të zbuluar se gratë kanë 50% më shumë gjasa të raportojnë simptoma sesa burrat dhe njerëzit me astmë kanë 30% më shumë gjasa të zhvillojnë gjendjen. Claire Steves, një epidemiolog dhe autor i vjetër në Kolegjin King’s në Londër, tha se vaksinat ofronin shpresë për të mbrojtur njerëzit nga Covid i gjatë.
“Ne po shohim një zvogëlim të rrezikut të post-Covid në të gjitha grup moshat nëse kanë bërë dy të vaksina. Ne e dimë që vaksinat me të vërtetë funksionojnë për të zvogëluar rrezikun e infektimit në radhë të parë, por nëse prekeni nuk ka mundësi të zhvilloni gjendjen post-Covid”, tha ajo.
Burimi:The Guardian/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje