.png)
Organizata Botërore e Shëndetësisë ka bërë me dije se sot numri i viktimave nga Covid-19 arriti shifrën 4 milionë, edhe pse numri real mund të jetë më i lartë. Tedros Adhanom Ghebreyesus, drejtori i përgjithshëm i OBSH-së, gjatë një konference për mediet në Gjenevë, bëri thirrje për bashkim, pasi jemi në një pikë të rrezikshme të pandemisë.
Thirrja e tij u drejtohet më shumë vendeve që po heqin kufizimet, sikur pandemia të kishte përfunduar. “Jemi në një pikë të rrezikshme të pandemisë. Kjo situatë po çon në mungesë të oksigjenit, trajtimeve dhe nxitjen e një vale viktimash në disa pjesë të Afrikës, Azisë dhe Amerikës së Jugut.
Nga pikëpamja morale, por edhe epidemiologjike apo ekonomike, tani është koha që bota të bashkohet për të trajtuar këtë pandemi”, – theksoi drejtuesi i lartë i OBSH-së. Rritja e numrit të të infektuarve nga Covid-19 po vjen për shkak të varianteve të reja të virusit, që po përhapen me shpejtësi në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje