.png)
Studiuesit kanadezë thonë se ata kanë pikasur disa aminoacide të identifikuar nga antitrupat kryesorë në gjakun e disa njerëzve që morën vaksinën AstraZeneca, duke ofruar të dhëna të reja për ato që shkaktojnë mpiksje të rralla të gjakut të lidhura me vaksinën. Gjetjet e vlerësuara nga një ekip studiuesish nga Universiteti McMaster në Ontario, u botuan në internet të Mërkurën nga revista shkencore “Nature”, mund të ndihmojnë mjekët të testojnë shpejt dhe të trajtojnë mpiksjen e pazakontë, që rrjedh nga një përzierje e koagulimit e drejtuar nga imuniteti dhe humbja e trombociteve që ndalojnë gjakderdhjen. Studimi kanadez analizoi mostrat e gjakut nga ato që kanë marrë vaksinën AstraZeneca dhe bazohet në kërkimet e fundit të bëra në Evropë në mpiksjet e rralla të gjakut të lidhura me vaksinën. Zyrtarët shëndetësorë po monitorojnë efektet e rralla anësore të ekuilibruara me vlerën e provuar të vaksinave në luftën e Covid-19. Mpiksja e gjakut, të cilën disa shkencëtarë e kanë quajtur trombocitopeni imunologjike të shkaktuar nga vaksinat, ose VITT, ka qenë gjithashtu e lidhur me vaksinat Johnson & Johnson, megjithëse incidentet kanë ndodhur më rrallë me atë sesa me AstraZeneca. Kompanitë kanë thënë se po ndërmarrin kërkime të mëtejshme për të kuptuar çështjet dhe besojnë se përfitimet e vaksinave tejkalojnë rreziqet. Shëndetësia dhe zyrtarët kanë thënë se përfitimet e të dy vaksinave zakonisht tejkalojnë rreziqet e tyre, por rekomandojnë paralajmërime për rreziqet e mundshme. Mortimer Poncz, shefi i sektorit pediatrik-hematologji në Spitalin e Fëmijëve të Filadelfias, i cili nuk ishte i përfshirë në studim, tha se gjetjet mund të ndihmojnë mjekët të identifikojnë me shpejtësi VITT dhe t’i bëjnë studiuesit të kuptojnë se çfarë e shkakton atë. Një tjetër studiues i VITT, Andreas Greinacher, profesor i mjekësisë së transfuzionit në Klinikën Universitare Greifsëald të Gjermanisë, i quajti gjetjet “shumë interesante” si një e dhënë e re për mpiksjen e shkaktuar nga vaksinat që mund të përmirësojë trajtimin.
Shkencëtarët thonë se hulumtimi rreth vaksinave Covid-19 mund të ndikojë në sigurinë e vaksinave dhe trajtimeve për përdorime të tjera. Vaksinimet masive kanë dhënë një shans të rrallë për të studiuar efektet anësore që mund të kalojnë pa u vërejtur në vaksinat. Raporte të rralla të mpiksjes së gjakut u shfaqën për herë të parë në fillim të Marsit midis njerëzve në Evropë që kishin marrë vaksinën e zhvilluar nga AstraZeneca dhe Universiteti i Oksfordit. Që nga ajo kohë, Britania e Madhe, Kanada, Australia dhe vendet e tjera në Evropë e botë kanë përdorim të kufizuar të vaksinës tek të rriturit, ndërkohë ka dhe vende që nuk i përdorin fare.
Studiuesit po hetojnë ende për të kuptuar më shumë mbi kombinimin e rrallë të trombociteve me vaksinën me shpresën e diagnostikimit dhe trajtimit të shpejtë dhe parandalimin e mpiksjes ndoshta edhe duke ndryshuar përbërjen e vaksinave.
Burimi: The Wall Street Journal/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje