Artan Ismalaja, i cili akuzohet se vrau me thikë bashkëshorten e tij të hënën, Klarita Ismailajan, është arrestuar. Burime policore shprehen se 51-vjeçarit i janë vënë prangat në ambientet e spitalit.
Ismalaja u dërgua një ditë më parë në spital, sepse tentoi të vrasë veten menjëherë pasi masakroi gruan me thikë, duke i shkaktuar vdekjen. Ngjarja e rëndë ndodhi paraditen e të hënës, pranë një magazine të Bubqit në Fushë Krujë.
Çifti jetonte prej vitesh në Tiranë, ndërsa Artani kishte një servis kamerash dhe kompjuterësh tek ish-stacioni i Trenit në kryeqytet.
Për të shmangur dëshmitarët, dyshohet se ai e ka futur makinën në një zonë të vështirë në fshatin Bubq për të ndaluar brenda një muri rrethues, që i përket një fasonerie.
Fqinjët e çiftit shprehen se kohët e fundit mes tyre kishte pasur debate dhe konflikte.
Ishin punëtorët e fabrikës që dhanë alarmin dhe informuan policinë e Krujës që nga ana tjetër thotë se po punon për të zbuluar motivin që i kushtoi jetën një tjetër gruaje. Çifti Ismailaja kishte dy fëmijë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
