Ministri i Brendshëm, Bledi Çuçi ka reaguar për operacionin ndërkombëtar “Shpirti”, ku u arrestuan 28 persona. Në një postim në llogarinë e tij në Facebook, ministri shkruan se ky është edhe një proces vetë-pastrimi, “nga ata që nuk e meritojnë të jenë në radhët këtyre agjencive, e do të përgjigjen para ligjit”.
Çuçi thotë se hetimi i mirë-koordinuar me autoritetet italiane dëshmoi kapacitetet në rritje të SPAK dhe Policisë së Shtetit në luftën kundër krimit të organizuar.
Për ministrin, aksioni është një shembull i ruajtjes së konfidencialitetit, megjithë kompleksitetin e tij.
Çuçi vlerëson prokurorët e angazhuar drejtpërdrejtë në hetim dhe të gjithë punonjësit e e Policisë së Shtetit, të agjencive që ndihmuan në këtë hetim, drejtuesve të operacionit, si dhe falënderon partnerët e huaj për bashkëpunimin”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
