Një 77-vjeçar në Lushnjë ka humbur jetën, pasi u përplas nga një furgon ndërsa udhëtonte me një karrocë. Po ashtu, si pasojë e përplasjes shumë të fortë, ka ngordhur edhe gomari që tërhiqte karrocën. Mësohet se aksidenti ka ndodhur mëngjesin e së premtes, rreth orës 06:00, në aksin rrugor Savër-Fiershegan.
Policia thotë se një 26-vjeçar me iniciale D.B., banues në Tiranë, ndërsa drejtonte automjetin furgon sprinter tip “Benz”, përplasi të moshuarin që po udhëtonte me karrocë, duke i shkaktuar kështu edhe vdekjen.
Drejtuesi i furgonit është shoqëruar në komisariat dhe po kryen veprimet procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
