.png)
Një efektiv i patrullës së përgjithshme në Komisariatin e Policisë Nr.2 në Tiranë, është arrestuar, pasi në makinën me të cilën po lëvizte, ishte dhe një person në hetim për trafik droge. Sipas njoftimit për shtyp të policisë, mësohet se efektivi i arrestuar quhet Eleftherios Sullaj.
Gjatë kontrollit në automjet, iu gjet dhe sekuestrua një qese plastike transparente, ku kishte material pluhuri ngjyrë të bardhë, e dyshuar si lëndë narkotike e llojit kokainë.
Në pranga ranë dhe Mikel Zhegu, i dyshuar për prodhim dhe shitje të lëndëve narkotike dhe Eris Tafa, i cili akuzohet për largim i të burgosurit nga vendi i qëndrimit.
Ndalimi i automjetit të efektivit u bë në kryqëzimin e Rugës së "Kosovarëve" në orët e para të mëngjesit të kësaj të enjteje, 1 korrik.
Automjeti ku u gjet sasia e kokainës, drejtohej nga punonjësi i policisë Sullaj, ndërsa një prej pasagjerëve, Eris Tafa është person që duhej të ishte nën masën e sigurisë të vendosur nga gjykata, “arrest shtëpie”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
