.png)
Për disa javë në Slloveni, në zonën e Tarnovas dhe Aidussinas, në kufi me zonën e Friuli Venezia Giulia, ka pasur raste të shumta të “etheve të miut” (infeksioni i hantavirusit). Një rast u regjistrua gjithashtu edhe në Itali: është një shtetas slloven që jeton dhe punon pranë kufirit italian. Burri, i cili u paraqit në dhomën e urgjencës në Gorizia, nuk është në gjendje të rëndë.
Si transmetohet
Infeksionet Hantavirus janë përhapur në të gjithë planetin, veçanërisht në zonat rurale. Virusi transmetohet nga brejtës të vegjël, që e eliminojnë atë përmes jashtëqitjeve dhe urinës. Njerëzit mund të infektohen duke thithur virusin e çliruar nga jashtëqitja, duke prekur tokën e ndotur ose më rrallë me pickimin e brejtësit, duke rënë kështu në kontakt të drejtpërdrejtë me pështymën e miut. Ju mund të infektoheni duke thithur virusin, ndërsa pastroni një bodrum me një fshesë, e cila shpërndan grimcat e vogla të virusit nga jashtëqitjet e miut që përmbajnë virusin në ajër. Grupet më të rrezikuara janë fermerët dhe pylltarët.
Sëmundja nuk transmetohet nga njeriu te njeriu, por vetëm nga kafsha te njeriu. Pasi të infektohet, brejtësi do të lëshojë virusin gjatë gjithë jetës së tij.
Çfarë ndodh në Slloveni
Sipas gazetës sllovene “Primorski Dnevnik“, infeksioni i hantavirusit ka prekur 213 persona nga 1 janari deri më 10 qershor 2021, përfshirë 64 në Goriška, me një rritje në ditët e fundit. Disa pacientë u shtruan në spital, por askush nuk humbi jetën.
Si manifestohet
“Ethet e miut” zakonisht shfaqen me ethe të forta, dhimbje koke, të dridhura, dhimbje në bark, skuqje të fytyrës, çrregullime të frymëmarrjes. Në përgjithësi, infeksioni zgjat nga dy deri në katër javë, por nëse lihet pas dore, mund të çojë në komplikime serioze si nefropatia epidemike, hemorragjitë, sindromat pulmonare. Nuk ka ndonjë trajtim specifik ose vaksinë, por ilaçet antivirale janë për të reduktuar sëmundjen dhe shmangur vdekjen kur përdoren herët. Nuk ka ndonjë vaksinë në përdorim.
Si të shmangni infeksionin
Për të shmangur infektimin, sugjerohet shmangia e ekspozimit ndaj brejtësve dhe jashtëqitjeve të tyre, lani duart shpesh, mos uluni në tokë në zonat e prekura dhe vishni një maskë nëse pastroni zona të ndotura, duke i kushtuar vëmendje të veçantë shpërndajes së aerosoleve.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje