Një 52-vjeçar nga Cërriku, është arrestuar në pikën kufitare të Kakavijës. Policia thotë se Idajet Hasani ka tentuar të kalojë kufirin drejt Greqisë, por pas kontrolleve në mjetin me të cilin apo po udhëtonte i janë gjetur disa sende të jashtëligjshme.
Sipas policisë, në makinën e Hasanit, janë gjetur 49 fishekë luftarak të kalibrit 9 milimetra në një çantë dore. 52-vjeçari është arrestuar për veprën penale “Trafikimi i armëve dhe municioneve”.
Ndërkohë që në cilësinë e provës materiale u sekuestruan 49 fishekë dhe automjetin me të cilin po udhëtonte i ndaluari.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
